Breaking News

នគរបាលខេត្តព្រះសីហនុ បង្ហាញមុខជនដៃដល់ ដែលសម្លាប់ក្មេង២នាក់ ជូនដល់ប្រជាពលរដ្ឋ បានឃើញផ្ទាល់ ដើម្បីអោយអស់ចិត្ត

ប្រហែលជាប៉ុន្មានម៉ោងមុននេះ នាថ្ងៃទី០៣ ខែមិថុនា ឆ្នាំ២០១៩ នាថ្ងៃទី០៣ ខែមិថុនា ឆ្នាំ២០១៩ បើយោងតាមហ្វេសប៊ុករបស់ “ឡេង ប៊ុននី” បានបញ្ជាក់ឲ្យដឹងថា “ខេត្តព្រះសីហនុ- នគរបាលខេត្តព្រះសីហនុបង្ហាញមុខជនសង្សយ័ក្នុងអំពើឃាតកម្មរំលោភសម្លាប់ នៅជិតវត្តអូរត្រេះ ក្នុងភូមិគគីឃុំបិតត្រាងស្រុកព្រៃនប់ ដែលបណ្តាលអោយកុមារា កុមារី២នាក់បងប្អូនស្លាប់ ជូនដល់ប្រជាពលរដ្ឋបានឃើញផ្ទាល់ដើម្បីអោយអស់ចិត្ត !!!”។

មួយវិញទៀតបើយោងតាមរយៈហ្វេសប៊ុករបស់លោក Huy Bunleng ក៏ទើបបញ្ជាក់បន្ថែមទៀតទាក់ទងរឿងមួយនេះផងដែរថា៖ “ខេត្តព្រះសីហនុ- ថ្លែងនៅក្នុងសន្និសីទសារព័ត៌មានខ្លីកាលពីរសៀលថ្ងៃទី០៣ ខែមិថុនា ឆ្នាំ២០១៩នេះ ដែលជាការបង្ហាញមុខជនដៃដល់សម្លាប់ក្មេង២នាក់ ក្នុងស្រុកព្រៃនប់ លោកឧត្តមសេនីយ៍ទោ ជួន ណារិន្ទ ស្នងការនគរបាលខេត្តព្រះសីហនុ បញ្ជាក់ថាជនសង្ស័យត្រូវបានលោកសួរនាំផ្ទាល់ និងត្រៀមកសាងសំណុំរឿងបញ្ជូនទៅកាន់តុលាការ ផ្ដន្ទាទោសតាមផ្លូវច្បាប់។

លោកឧត្តមសេនីយ៌ទោស្នងការ បានដកស្រង់យកចម្លើយជនដៃដល់រូបនេះមកបញ្ជាក់អោយដឹង ក្រោយការសួរចម្លើយផ្ទាល់ថា នេះមិនមែនជា បទល្មើសលើកទី១នេះឡើយ ដោយរូបគេធ្លាប់បានប្រព្រឹត្តបទល្មើសបែបនេះកាលពីពេលកន្លងទៅផងដែរ ក្នុងនោះរហូតមានការជាប់ ពន្ធនាគារទៀតផង។ លោកឧត្តមសេនីយ៍ស្នងការ បានបញ្ជាក់ឲ្យដឹងថា អំឡុងឆ្នាំ២០០១-២០០២ ជននេះបានចាប់រំលោភគេនៅស្រុកកំណើត ប៉ុន្ដែមិនបានសម្រេច រួចហើយបានរត់គេចខ្លួនចេញពីស្រុកកំណើត ទៅធ្វើជាកម្មករ សំណង់នៅព្រែកលាប ហើយបានលួចខ្សែភ្លើងរហូតម្ចាស់ប្តឹងចាប់ដាក់ពន្ធនាគារ។

ក្រោយចេញពីពន្ធនាគារជននេះបានទៅខេត្តពោធិ៍សាត់ ក៏ជួបប្រពន្ធរបស់ខ្លួននេះ ដែលជាស្ដ្រីមេម៉ាយកូន៥នាក់។ បន្ទាប់មកពួកគេទាំងពីរនាក់ បានចេញមកធ្វើសំណង នៅសង្កាត់ចោមចៅ ខណ្ឌពោធិ៍សែនជ័យ មុនបន្ដទៅធ្វើដំណើរនៅក្រុងបាវិត ខេត្តស្វាយរៀង នៅដើមឆ្នាំ២០១៨។ ពេលនៅក្នុងក្រុងបាវិត ជនម្នាក់នេះក៏បានចាប់រំលោភយុវតីម្នាក់ អាយុខ្ទង់១៤-១៥ឆ្នាំ រួចគេចខ្លួនជាមួយប្រពន្ធទៅធ្វើជាកម្មករសំណងនៅកន្លែងកើតហេតុ ក្នុងស្រុកព្រៃនប់ ខេត្តព្រះសីហនុ។

មុនពេលកើតហេតុជនដៃដល់រូបនេះ អង្គុយផឹកស្រាស នៅផ្ទះបានកន្លះលីត្រ ក៏ប្រើឲ្យប្រពន្ធរបស់ខ្លួន ជាស្ដ្រីមេម៉ាយកូន ៥នាក់ ទៅទិញពងទាកូនសម្រាប់ក្លែម។ ដោយសារតែប្រពន្ធទៅយូរពេក ខ្លួនបានបន្ដផឹកស្រារហូតដល់មួយលីត្រកន្លះ រួចក៏ដើរទៅតាមប្រពន្ធ ពេលឃើញក្មេងស្រីរងគ្រោះនៅក្នុងផ្ទះក៏ចូលទៅចាប់រំលោភទាំងកម្រោល និងប្រើហិង្សារសម្លាប់បំបិទមាត់ ពេលនោះកុមារាជាប្អូនបានឃើញដូច្នេះក៏ស្រែចយំ ជនសង្សយ័ក៏បានទះកំផ្លៀង៥-៦ដៃ ហើយទាត់ផ្ទប់ជញ្ជាំងស្លាប់មួយរំពេច មុននាំប្រពន្ធគេចខ្លួនទៅកាន់ស្រុកកំណើត នៅឯស្រុកមេសាង ខេត្តព្រៃវែង។

សូមបញ្ជាក់ថា ជនដៃដល់ មាង វិចិត្រ ត្រូវបានបញ្ជូនទៅស្នងការដ្ឋាននគរបាលខេត្តព្រះសីហនុ ដែលជាម្ចាស់ករណី នៅយប់ថ្ងៃទី០២ ខែមិថុនា ឆ្នាំ២០១៩ ដើម្បីកសាងសំណុំរឿងបញ្ជូនទៅកាន់តុលាការផ្ដន្ទាទោសតាមច្បាប់។ ជននេះត្រូវបានកម្លាំងនគរបាលចាប់ខ្លួននៅរសៀលថ្ងៃទី២មិថុនា នៅស្រុកមេសាង ខេត្តព្រៃវែង។ អំពើឃាតកម្មនេះ បានកើតឡើងនៅថ្ងៃទី២៩ ខែឧសភា ឆ្នាំ២០១៩ កន្លងទៅ ដោយកុមារារងគ្រោះមានឈ្មោះ ផា សុខលី អាយុ២ឆ្នាំ និងកុមារីជាបងមានឈ្មោះ ផា ស្រីល័ក្ខ អាយុជិត១០ឆ្នាំ៕

Check Also

បទ “មនុស្សសំខាន់របស់ខ្ញុំ” ពី ម៉ង់ ចាន់កញ្ញា ពិតជាពីរោះរណ្តំណាស់ ស្តាប់ឡើងព្រឺសប្បុរ (មានវីដេអ)

ប្រិយមិត្តជាច្រើនពិតជាមិនទាន់ភ្លេចទេមើលទៅ អតីតបេក្ខនារីម្នាក់ឈ្មោះ ម៉ង់ ចាន់កញ្ញា ដែលធ្លាប់មកចូលប្រឡងក្នុង កម្មវិធីប្រឡងចម្រៀង លំដាប់ថ្នាក់ពិភពលោក Cambodian Idol រដូវកាលទី២ ក្នុងកំឡុងឆ្នាំ ២០១៦ ដោយពេលនោះ ចាន់កញ្ញា បានលើកយកបទ “ថ្ងៃលិចអូនស្រណោះ” …

Leave a Reply

Your email address will not be published. Required fields are marked *