Breaking News

ប្រពៃណាស់! លោកជំទាវ​ អ៊ូ​ ធីតាពៅ​ សហការជាមួយ លោកសាស្ត្រចារ្យ របាំក្បាច់បុរាណខ្មែរ រៀបចំសម្តែងល្ខោនក្បាច់បុរាណ​ ឬល្ខោនព្រះរាជទ្រព្យ​ រឿង “ព្រះអនុរទ្ធនាងឱសា​”​ ដើម្បីឧទ្ទិសស្នាដៃនេះថ្វាយ ព្រះវិញ្ញណក្ខន្ធ​ សម្ដេចរាជបុត្រី ព្រះរៀម នរោត្តម បុប្ផាទេវី

នៅមុននេះបន្តិច នាថ្ងៃទី ២២ ខែវិច្ឆិកា ឆ្នាំ ២០១៩ បើយោងតាមរយៈហ្វេសប៊ុក Chantola Narith បានប្រាប់ឲ្យដឹងថា៖ “ដើម្បីដឹងនូវមហាព្រះទិគុណ​ និងការលះបង់យ៉ាងធំធេងរបស់ សម្ដេចរាជបុត្រី ព្រះរៀម នរោត្តម បុប្ផាទេវី ចំពោះ​របាំក្បាច់បុរាណខ្មែរ​ ឬរបាំ​ព្រះរាជទ្រព្យ​ លោកជំទាវ​ អ៊ូ​ ធីតាពៅ​ និងសហការ ជាមួយលោកសាស្ត្រចារ្យ របាំក្បាច់បុរាណខ្មែរ នៃក្រសួងវប្បធម៌​ និងវិចិត្រសិល្បៈ​ រៀបចំសម្តែងល្ខោនក្បាច់បុរាណ​ ឬល្ខោនព្រះរាជទ្រព្យ​ រឿង “ព្រះអនុរទ្ធនាងឱសា​”​ ដើម្បីឧទ្ទិសស្នាដៃនេះថ្វាយព្រះវិញ្ញណក្ខន្ធ​ សម្ដេចរាជបុត្រី ព្រះរៀម នរោត្តម បុប្ផាទេវី ជាពិសេសជូនប្រជាពលរដ្ឋបានទស្សនា​ និងស្គាល់គ្រប់គ្នា​ ថាតើរបាំព្រះរាជខ្មែរ​ ឬរបាំ​ក្បាច់​បូរាណ​ខ្មែរ​ អស្ចារ្យបែបណា។”។

សូមរំលឹកបន្តិចថា សម្ដេច​រាជ​បុត្រី​ ព្រះ​រៀម​ នរោត្តម​ បុប្ផា​ទេវី​ បានយាងសោយព្រះពិរាល័យ ក្នុងព្រះជន្ម ៧៦ព្រះវស្សា នាវេលាម៉ោង ១២:៣០ នាទី ថ្ងៃទី១៨ ខែវិច្ឆិកា ឆ្នាំ២០១៩ ក្នុងមន្ទីរពេទ្យ ព្រះរាជាណាចក្រថៃ ដោយព្រះរោគាពាធ។ ហើយ នាថ្ងៃទី ១៩ ខែវិច្ឆិកា ឆ្នាំ ២០១៩ ព្រះបរមសព សម្តេចរាជបុត្រី​ ព្រះរៀម​ នរោត្តម​ បុប្ផាទេវី​ ត្រូវបានដង្ហែរដល់សាលាធម្មសភា នៃវត្តបុទុមវត្តី ហើយ ព្រមទាំងមានកាអញ្ជើញពីសំណាក់ថ្នាក់ដឹកនាំ មន្រ្តីរាជការ ប្រជាពលរដ្ឋ និងសិល្បករ សិល្បការិនី បានមកចូលរួមយ៉ាងច្រើនកុះករ លាយឡំជាមួយទឹកមុខយ៉ាងស្រងួតស្រងាត់បំផុត៕

Check Also

តារាចម្រៀង សុគន្ធ និសា ទៅថ្វាយ​ការគោរព​ និង​ថ្វាយ​ព្រះ​កុសល​ ថ្វាយ​ព្រះ​សព សម្តេចរាជបុត្រី​ ព្រះរៀម ​ នរោត្តម​ បុប្ផាទេវី​ ទេពនាដវដ្តីឯក ព្រមទាំងភ្ជាប់សារខ្លីមួយថា….

កាលពីម្សិលមិញនេះ បើយោងតាមរយៈហ្វេសប៊ុកផេកផ្លូវការ Royal du Cambodge បានប្រាប់ឲ្យដឹងថា៖ “ព្រះញាតិវង្សនៃ​ព្រះ​សព​ សម្តេច​រាជបុត្រី​ព្រះ​រៀម​ នរោត្តម​ បុប្ផា​ទេវី​ សូម​ស្វាគមន៍យ៉ាងកក់ក្តៅចំពោះ​មហា​ជន​ទាំង​អស់​ដែល​មាន​បំណង​ចង់​មក​ថ្វាយ​ការគោរព​ និង​ថ្វាយ​ព្រះ​កុសល​ ថ្វាយ​ព្រះ​សព​របស់​ព្រះ​អង្គ​ នា​វត្ត​បទុមវតី​រាជវរារាម​ ចាប់​ពី​វេលា​នេះ​ រហូត​ដល់​ថ្ងៃ​ថ្វាយ​ព្រះ​ភ្លើង​ …

Leave a Reply

Your email address will not be published. Required fields are marked *